20 kommuner har vedtatt Strategisk næringsplan
Merknader fra kommunene og Hordaland fylkeskommune i forbindelse med behandlingen av Strategisk næringsplan
Austevoll kommune hadde ingen marknader til Strategisk næringsplan.
Vedtak:
2. Austrheim kommunestyre ber om at fylgjande element vert lagt til som tilleggsuttale til planutkastet:
( 1.) Under kapitelet Infrastruktur står det skrive følgjande under ”Strategiar”:
- Avklare lokalisering og realisering av ny hamn for Bergensregionen – Det finns i dag to alternativ for ei ny godshamn i bergensregionen, Flesland og Kombinasjonsalternativet med Mongstad, CCB og Bergen Indre Hamn. Vi les formuleringa over som om det skal realiserast ei heilt ny hamn i regionen, i så fall vil Flesland bli vektlagt. Vi ynskjer at formuleringa skal vere: Avklare lokalisering for ny godshamn for bergensregionen. Det er underforstått at ein også bør starte ei eventuell prosjektering og bygging.
(2). Under kapitelet Infrastruktur står det skrive følgjande under ”Strategiar”:
- Bergensregionen skal innan 2020 ha vesentleg forbedra infrastruktur internt i regionen. Under dette punktet blir Sotrasambandet nevnt, men ikkje Nyborgtunnelen. Vi ber om at Nyborgtunnelen blir lagt inn som eit kulepunkt på lik linje med Sotrasambandet.
(3.) Under kapitelet Infrastruktur ynskjer vi å ha med følgjande fokus under strategiar:
- Det bør leggast til rette for nasjonale ordningar som kan vere med å styrke industriell infrastruktur knytt til store industrielle anlegg, til dømes Mongstad. Det er vertskommunane som i stor grad må ta investeringar åleine knytt til vatn, straum etc.
(4.) Under kapitelet Marknadsføring og profilering har vi følgjande forslag til tiltak:
- Det bør etablerast eit prosjekt som ser på moglegheitene knytt til industriturisme. Det er til dømes knytta stor internasjonal interesse til utviklinga på Mongstad og det kjem mange delegasjonar for å sjå på denne utviklinga. Dette kan også knyttast opp mot andre opplevingar og aktivitetar i regionen.
(5.) Under kapitelet Marknadsføring og profilering har vi følgjande forslag til tiltak:
- Ein av dei viktigaste internasjonale merkevara bergensregionen har, er utbygginga av CO2-reinseanlegg på Mongstad. Med ”månelandinga” skal regionen løyse eit stort globalt problem, viss vi lukkast har vi skapt ein enorm merkevare for region og nasjon. Sjølv om det er lenge til fullskalanlegget står klar, må vi bruke TCM bevisst til marknadsføring av regionen. Det bør derfor etablerast ein årleg internasjonal CO2-konferanse med utspring på Mongstad, konferansen bør vere i regi av heile regionen.
(6) I kapitelet som omhandlar ”Samhandling om regionsbygging” kjem det fram at ein av suksessfaktorane for å lukkast med planen er at kommunar, FoU-miljø og næringsliv, det såkalte trippel heliks, må samarbeide og samhandle meir. Det må altså vere ein tettare dialog mellom partane i trippel heliks. Skal ein få til det, bør det etablerast ein felles arena.
- Austrheim meiner det bør etablerast eit forum eller ein arena kor det offentlege,næring og FoU kan møtast.
- Eit slikt forum bør også være på tvers av Osterfjorden, slik at Bergen og Nordhordland kan jobba for å skapa ein synleg og tydeleg Bergensregion.
- Formannskapet saknar ei samla uttale frå Nordhordlandskommunane sidan medlemsskapet går via regionrådet.
Vedtak:
- Gulen kommune ynskjer slikt tillegg i høve strategi 1 under Infrastruktur på side 39:”…..fergefritt Bergen-Stavanger (Hordfast), samt Fjordvegen Rv 57 Bergen-Ålesund.”
Vedtak:
2. Lindås kommune anbefalar at følgjande element blir lagt til som tilleggsuttale til planutkastet:
2.1 Under kapitelet Infrastruktur står det skrive følgjande under ”Strategiar”:
- Avklare lokalisering og realisering av ny hamn for Bergensregionen – Det finns i dag to alternativ for ei ny godshamn i bergensregionen, Flesland og Kombinasjonsalternativet med Mongstad, CCB og Bergen Indre Hamn. Vi les formuleringa over som om det skal realiserast ei heilt ny hamn i regionen, i så fall vil Flesland bli vektlagt. Vi ynskjer at formuleringa skal vere: Avklare lokalisering for ny godshamn for bergensregionen. Det er underforstått at ein også bør starte ei eventuell prosjektering og bygging.
2.2 Under kapitelet Infrastruktur står det skrive følgjande under ”Strategiar:
- Bergensregionen skal innan 2020 ha vesentleg forbetra infrastruktur internt i regionen. Under dette punktet blir Sotrasambandet nemnt, men ikkje Nyborgtunnelen. Vi ber om at Nyborgtunnelen blir lagt inn som eit kulepunkt på lik linje med Sotrasambandet. Det må også arbeidast aktivt for at Sambandet vest også kalla Gullvegen blir realisert så snart som mogleg.
2.3 Greia ut jernbane til tunge industriklynger og tettstaden som t.d. Mongstad
2.4 Under kapitelet Infrastruktur ynskjer vi å ha med følgjande fokus under strategiar:
- Det bør leggast til rette for nasjonale ordningar som kan vere med å styrke industriell infrastruktur knytt til store industrielle anlegg, til dømes Mongstad. Det er vertskommunane som i stor grad må ta investeringar åleine knytt til vatn, straum etc.
2.5 Under kapitelet Infrastruktur har vi følgjande forslag til fokus under strategiar:
- Regionen bør jobbe for at vegar inn mot større industrielle anlegg blir styrka og prioritert. Til dømes har FV57 frå Knarvik til Mongstad fått status som fylkesveg, det betyr at vegen går inn i dei fylkeskommunale prioriteringane. Mongstad er eit internasjonalt satsingsområde med raffineri, havnebase og bygging av CO2 reinseanlegg. Området har ei strategisk plassering nasjonalt, og vegen fram til anlegget bør derfor vere ein del av ”Månelandinga”. Pengar til drift og utvikling bør derfor kome direkte frå statsbudsjettet. Regionen bør jobbe for at FV57 får tilbake status som riks- og stamveg.
2.6 Under kapitelet Marknadsføring og profilering har vi følgjande forslag til tiltak:
- Det bør etablerast eit prosjekt som ser på moglegheitene knytt til industriturisme. Det er til dømes knytt stor internasjonal interesse til utviklinga på Mongstad og det kjem mange delegasjonar for å sjå på denne utviklinga. Dette kan også knyttast opp mot andre opplevingar og aktivitetar i regionen.
2.7 Under kapitelet Marknadsføring og profilering har vi følgjande forslag til tiltak:
- Ein av dei viktigaste internasjonale merkevara bergensregionen har, er utbygginga av CO2- reinseanlegg på Mongstad. Med ”månelandinga” skal regionen løyse ei stor global utfordring, og viss vi lukkast har vi skapt ein enorm merkevare for region og nasjon. Sjølv om det er lenge til fullskalanlegget står klar, må vi bruke TCM bevisst til marknadsføring av regionen. Det bør derfor etablerast ein årleg internasjonal CO2-konferanse med utspring på Mongstad, konferansen bør vere i regi av heile regionen.
2.8 I kapitelet som omhandlar ”Samhandling om regionsbygging” kjem det fram at ein av
suksessfaktorane for å lukkast med planen er at kommunar, FoU-miljø og næringsliv, det
såkalla trippel heliks, må samarbeide og samhandle meir. Det må altså vere ein tettare dialog
mellom partane i trippel heliks. Skal ein få til det, bør det etablerast ein felles arena.
- Lindås meiner det bør etablerast eit forum eller ein arena kor det offentlege, næring og FoU kan møtast oftare. Eit slikt forum bør også være på tvers av Osterfjorden, slik at Bergen og Nordhordland kan jobba tettare saman for å skapa ein synleg og tydeleg Bergensregion
Vedtak:
Masfjorden kommune tilrår at følgjande element vert lagt til som tilleggsuttale til planutkastet:
- Bru over Masfjorden, viktig samferdselsprosjekt.
- Samferdselsutfordringar i Nordhordland er for lite belyst i planen.
- Nordsida av Fensfjorden er eit viktig utviklingsområde for Business Region Bergen (BRB).
Vedtak:
Meland kommune anbefalar at denne planen må bli meir offensiv, og peikar eksempelvis på:
- Bergensregionen skal innan 2018 vere leiande i Noreg på kunnskapsbasert, berekraftig næringsutvikling innan dei næringar kvar regionen har spesielle fortrinn.
Meland kommune anbefalar sterkt at følgjande element vert lagt til som tilleggsuttalelse til planutkastet.
Mongstad er eit globalt miljøprosjekt, så difor må vegforbindelsen til Mongstad inn på riksvegnettet.
Det må arbeidast aktivt for at Sambandet vest, også kalla Gullvegen, blir realisert så snart som mogleg.
Vedtak:
Osterøy kommune vil følgja opp følgjande under vidareføring i eigen handlingsplan :
- Tilrettelegging av næringsareal i høve til regionalt perspektiv.
- Tilrettelegging av areal for lokalt næringsliv/eksisterande verksemder.
- Støtta vidare utvikling av CNC-senteret og robotklynga i Bergensregionen.
- Vurdera å utvikla ein handlingsplan for reiselivsnæringa i Osterøy.
- Nord-Europas mest spanande region for kultur- og naturbasert oppleving.
Vedtak:
- Radøy forventar at planen vert jamnleg revidert, og at innspela om kulturell infrastruktur og Nordhordalandspakken- gjevne i møte på Landås 2010, vert tatt inn i planen. Radøy kommune vil forsere og leie an politisk i prosessen ved å lage og levere eit innspel til punktet om kulturell infrastruktur.
Vedtak:
- Øygarden kommune gir sin tilslutning til Strategisk Næringsplan for Bergensregionen 2010-2014 med perspektiv mot 2025, med dei visjonar, hovudmål og strategiar som går fram av dokumentet. Kommunen vil arbeide for å innarbeide planelementa i eigne kommunale planar der dette er relevant.
- Øygarden kommune vil i løpet av 2011 utforme ei lokal/regional næringspolitisk handlingsplan i samarbeid med Gode Sirklar og Regionråd Vest.
Vedtak:
- Fjell kommune sluttar seg til planframlegget frå Business Region Bergen (BRB)
- Fjell kommune vurderar planframlegget som ein god start for det vidare arbeidet med å utvikla regionen som eit nasjonalt og internasjonalt kraftsenter.
- Rådmannen vil kome tilbake med eigen sak
Vedtak:
Sund kommune sluttar seg til Strategisk Næringsplan for Bergensregionen 2010 – 2014 med perspektiv mot 2025, med dei visjonar, hovedmål og strategiar som går fram av dokumentet. Kommunen vil prøva å innarbeida planelementa i eigne kommunale planar der dette er relevant.
Sund kommune vil særleg fylgja opp fylgjande satsingsområder under vidareføringa i eigen handlingsplan i samarbeid med Gode Sirklar:
- Maritime næringar
- Marine næringar
- Oppleving, kultur og reiseliv
- Media og kulturbasert næringsliv
Vedtak:
Askøy kommune anbefaler at følgende elementer legges til som tilleggsuttalelse til planutkastet:
- Fokusområde infrastruktur: Innarbeide visjonen om et veiprosjekt mellom Mongstad og Kolsnes via nordre Askøy, kalt Sambandet Vest. Dette vil binde Øygarden, Askøy og Nordhordland sammen. Vil også binde sammen Mongstad og Kollsnes for næringstransport, og eventuelt kunne være trase for annen nødvendig Infrastruktur. Sentralt inn mot tiltak 7 i planen ”Videreføre samfunnsprosjektet i forbindelse med Mongstadutbyggingen”.
- Fokusområde Infrastruktur: Som del av videreføring av næringsarealprosjektet ha fokus på tilstrekkelig med næringsarealer til sjø. Dette er viktig for de prioriterte næringene knyttet til Energi, Maritim og Marin. Askøy har fortrinn for utvikling av slike sjønære arealer.
Askøy kommune vil følge opp følgende under videreføringen i egen handlingsplan :
- Utvikle strategier, mål og tiltak for andre næringer som står sterkt på Askøy som; handels- og servicenæringen, bygg- og anleggsnæringen, båtbyggerbransjen, annen tjenesteytende næring og off-shore/undervannsteknologi.
- Utvikle ytterligere næringssamarbeidet i Region Vest og Hjeltefjordbassenget.
- Utvikle Askøymodellen i relasjon mellom skolesektoreren og næringslivet, med fokus på faget Utdanningsvalg, prakisnær undervisning og fagdagmodellen
Vedtak:
- Bystyret vil følge opp planens prioriterte næringer og fokusområder ved at kommunen vil utarbeide Handlingsplan for næring i løpet av høsten 2010. I denne prosessen vil byrådsavdelingene og komité for kultur, næring og idrett bli involvert.
Vedtak:
Stord kommune ber om at følgjande vert innarbeida i planen:
- Verksemdene i regionen opererer i internasjonale marknader. For å framstå med tilstrekkeleg tyngde i fjerne marknader er det viktig med ei samhandling langs heile vestlandskysten. I fokusområda ”Marknadsføring og profilering” og ”Internasjonalisering” bør det nemnast at BRB vil samarbeida med naboregionane i profileringa av vestlandsregionen internasjonalt.
- Stord kommune synes det er positivt at satsinga som blir gjort innan miljøteknologi er særleg nemnt som tiltak under fokusområdet ”Klima og miljø”. Fleire verksemder frå heile regionen arbeider no med etablering av eit regionalt nettverk innan maritim miljøteknologi (Maritime CleanTech West). For å lukkast i dette arbeidet må det arbeidast politisk. Marknaden for miljøteknologi er i stor grad skapt av lovar og regelverk, og verksemdene treng offentleg drahjelp for å lukkast i kommersialiseringa av ny teknologi. Her kan BRB spela ei aktiv rolle for å betra rammevilkåra, noko som bør nemnast særskilt, t.d. i avsnittet ”Næringsvenleg offentleg sektor”.
Vedtak:
Fusa kommune gjev sin tilslutning til Strategisk Næringsplan for Bergensregionen 2010-2014 med perspektiv mot 2025, med dei visjonar, hovudmål og strategiar som framgår av dokumentet. Fusa kommune vil innarbeida planelementa i eigne kommunale planar der dette er relevant.
Vedtak:
Os kommune rår til at følgjande element vert lagt til som tilleggsuttale til planutkastet:
- Særskild fokus på vilkår og utfordringar til små og mellomstore bedrifter.
- Særskild fokus på samarbeid med skular. Alt frå grunnskule til universitet. Felles mål og utfordringar i heile regionen. BRB skal vera pådrivar og aktiv erfaringsoverførar.
- Os kommune skal vurderast som mogleg stad for plassering av eit messe- og kongressenter.
- Sjå kva næringsarealet i Endelausemarke betyr no som det blir tilgjengeleg når vegen mellom Svegatjørna og Rådalen blir ferdigstilt.
- Prioritera å betra kollektivtilbodet, også frå utkantane til senteret i regionen. Fronta kva det betyr med ekspressbussar for pendlarar.
- Plassering av framtidig hamn må ta omsyn til nytteverdien samt miljø og energibruken i eit samla perspektiv.
Vedtak:
- Samnanger kommune sluttar seg til framlegg av til SNP for Bergensregionen, men det verdt bedt om at det i større grad vert fokusert på vasskrafta sitt potensiale. Samnanger kommune har saman med næringa, finansinstitusjonar, FoU-miljø og Hordaland fylkeskommune under etablering eit kompetansesenter for småskala energi- og klimaløysingar. Dette prosjektet må med som tiltak under punkt 4: Fornybar energi s 17 og 18 i planen.
- Samnanger er positive til biltunnel gjennom Ulriken (Arnatunnelen).
Vedtak:
Ber om at innspela frå Vaksdal Næringsselskap vert tilstrekkeleg teke omsyn til i det vidare arbeidet med næringsutvikling i regionen.
Vaksdal Næringslivslag meiner at det manglar tiltak i planen som har eit sterkt fokus på vedlikehald og forbetring av eksisterande infrastruktur, og vil særskild peike på:
- Opprusting av Bergensbanen på strekkja Bergen-Voss, inkl. to spor Bergen-Arna, samt nedkorting av reisetid Bergen-Oslo til vel fire timar
- Opprusting av E16 Bergen-Voss inkl. rassikring. P.t er E16 einaste fergefrie stamveg Aust-Vest, samt er den vegen som er mest open vinterstid
I tillegg gjer Vaksdal Næringsselskap framlegg om følgjande som tiltak i Strategisk næringsplan:
- Opplevelse - kultur - reiseliv, blant anna for å byggje regionen etter målsetting om: ”Nordens mest spennende region for kultur- og naturbaserte opplevelser”. Understrategi: ”Samarbeide om å utvikle fleire kulturarenaer og gode opplevelses-, kultur- og reiseprodukter med utgangspunkt i regionens mange fortrinn”.
Fokusområde – Kompetanse
- Med tanke og sikte på å å samordne og styrke regionens forsking- og kompetansemiljø, til å framstå som leiande innan forsking og kompetanse knytt til bevaring av Atlantisk villaksestammer, samt knytt til økosystem i fjordar med fokus på å finne gode løysingar og tiltak for sameksistens mellom havbruksnæring og villaks i regionen og nasjonalt. Kompetansesenter på Dale, samordna med opplevingssenter, vil verte attraktivt formidlingsarena om kjent og ny kunnskap til ulike utdanningsnivå, knytt til blant anna bevaring av villaks, samt til aktørar i havbruksnæringa om utfordringar/tiltak knytt til berekraftig utvikling av næringa.
Tiltak:
- Å etablere eit forsking- og kompetansemiljø (breidt samansett organ) til koordinering og prioritering av forsking knytt til berekraftig økosystem i sjø og elvar., med sikte på bevaring og gjenskaping av berekraftig atlantiske villaksestammer frå norske og europeiske vassdrag, - også med fokus på å finne gode løysingar og tiltak for sameksistens mellom havbruksnæring og villaks, samt etablere ein attraktiv arena for formidling av kunnskap/forskingsresultat omkring praktiske opplevingar omkring dette.
- Formidling av kunnskap og opplevingar til ulike utdanningsnivå, til sentrale myndigheter og tilsyn, til relevante næringar og interesseorganisasjonar, samt til anna publikum som eit reiselivsprosjekt i Bergensregionen.
- Eit opplevingssenter skal lokaliserast til Dale, som er gunstig i høve fjordsystem, elvar og opplevingar i felten, samt i høve lokal kompetanse og akseptabel reisetid for potensielle brukarar i Bergensregionen.
Fylkesutvalget i Hordaland fylkeskommune vedtok 16. juni 2010 Strategisk næringsplan. Her følger vedtaket:
VEDTAK
1. Hordaland fylkeskommune gir sin tilslutning til Strategisk Næringsplan for Bergensregionen 2010-2014 med perspektiv mot 2025.
2. Hordaland fylkeskommune ynskjer at Business Region Bergen ved iverksetjing av Strategisk Næringsplan for Bergensregionen prioriterer høgt å setje fokus på å vidareutvikle samarbeid mellom FoU-miljø, bedrifter og forvaltning. Vidare bør ein styrke klyngeutvikling mellom bedrifter som grunnlag for berekraftig vekst m.a. innan helse og marin sektor.
3. Hordaland fylkeskommune vil innarbeide planelement i eigne planar der dette er relevant.
4. Hordaland fylkeskommune vil også peike på at det i Regional planstrategi som skal vedtakast i år, vil gå fram kva for planoppgåver fylkeskommunen skal prioritere dei komande åra. Business Region Bergen må også innarbeide i sine strategiske dokument dei føringane som ligg i komande regionale planar.
5. Hordaland fylkeskommune vil understreke behovet for god kommunikasjon og samhandling mellom Business Region Bergen og kommunane/fylkeskommunen i den vidare iverksetjinga av planen, for å sikre at satsingar og prioriteringar er godt avstemte i forhold til politiske prioriteringar.
6. Det er eit mål for regionen at nasjonale og internasjonale bedrifter skal etablera seg hjå oss. Hordaland fylkeskommune meiner at Business Region Bergen skal vera ein viktig initiativtakar og ”katalysator” i dette arbeidet. Denne aktiviteten må konkretiserast/målformulerast i handlingsplanen.
